कविता

यो माया लाउदा
सपना देखने बानी हुदोरहेछ
कल्पना गर्दागर्दै
कहिले ओठमा हाँसो
कहिले आँखामा आंसू आउदो रहेछ

ऐना हेरेर एक्लै आजकल मुस्कुराउछु
बिछयेउनामा कोल्टे फेर्दै रात बिताउछु
कुनामा रम्दै सम्झनामा हराउछु
तस्बीर मै मान्छे भेट्छु अनि रमाउछु
यो माया लाउदा
साचै नै बेचैनी बढ़दो रहेछ
होशमा नि अनौठो नशा चढ़दो रहेछ

भिडमा आफूलाई एक्लै पाउछु
एकान्तमा फेरी कता कता हराउछु
एक्लै जिस्कंछु एक्लै लजाउछु
आफूले आफूलाई यसरी नै सताउछु
यो माया लाउदा
ढुकढुकी नै बढ़दो रहेछ
आफ्नै मुटु पर पर सर्दो रहेछ